العطر مو بس هدية… هو رسالة
أحيانًا زجاجة صغيرة تترك أثر كبير تعبر عن ذوقك واهتمامك، وتخلي الشخص يحس إنك اخترت الهدية بعناية مو مجرد "خيار سريع"، لكن كيف تختار العطر المناسب وتضمن إنه يعجب الشخص اللي تهديه؟
في هذا المقال راح نعطيك دليل عملي يساعدك في اختيار العطر كهدية بكل ثقة:
1. اعرف ذوق الشخص أو حاول تعرف ذوقه
أول خطوة هي إنك تسأل نفسك: وش يحب؟
ما يحتاج تكون خبير عطور، لكن حاول تتذكر:
- هل يستخدم عطور ثقيلة شرقية وبارزة؟
- أو يميل للروائح الخفيفة الزهرية أو الفريش؟
- هل هو/هي من النوع اللي يحب العود أو المسك أو الفانيليا أو الحمضيات؟
إذا ما عندك فكرة، اسأل بطريقة ذكية أو شوف العطور اللي يستخدمها حالياً، كثير ناس يحبون يكررون نفس العائلة العطرية
2. العمر والمكانة الاجتماعية تفرق
بشكل عام:
- الشباب: غالباً يحبون الروائح الخفيفة الفريش والعصرية.
- الأكبر سناً: ممكن يميلون للروائح الثقيلة أو الكلاسيكية.
- رجال الأعمال: يحبون العطور اللي تعطي حضور وهيبة (زي العطور الجلدية أو الخشبية).
- المراهقين: يفضلون عطور مرحة سكرية أو فاكهية أحياناً.
خلك ذكي في الربط بين أسلوب الشخص والعطر المناسب له.
3. المناسبة تحدد نوع العطر
كل مناسبة تستاهل عطر يليق بها، فكر في:
- عيد ميلاد؟ اختَر عطر يعكس شخصية الشخص.
- ترقية أو إنجاز؟ عطر فاخر وثقيل.
- زواج أو ملكة؟ عطور فخمة بزجاجات أنيقة.
- مناسبة بسيطة؟ عطر يومي أنيق وخفيف.
وإذا كانت هدية "بلا مناسبة"، فالعطور اللطيفة والمتوسطة القوة غالبًا تكون خيار آمن.
4. العبها صح في التغليف والتقديم
حتى لو العطر ممتاز، التغليف يلعب دور كبير لا تهدي العطر في كيس بلاستيك من البقالة (روّقنا 😅)
استثمر في:
- علبة فخمة
- كرت إهداء بسيط بكلمات شخصية
- تغليف أنيق بلون يناسب المناسبة أو ذوق الشخص
هذي التفاصيل تفرق كثير في انطباع الهدية.
5. فكرة إضافية: قدم مجموعة عطرية
بدال ما تهدي عطر لحاله، فكر تهدي مجموعة عطرية (Set) تشمل:
- العطر
- لوشن أو كريم بنفس الرائحة
- شامبو أو جل استحمام عطري
- علبة أنيقة
هذي تعطي الهدية طابع فاخر ومتكامل وتخلي التجربة أجمل، طبعًا هذي متوفرة في بازل في بكج فاخر وينفع للإهداء زي بوكس لايتون لوكس و بوكس فالايا فالي.
أخيرًا
اختيار العطر كهدية ممكن يكون تحدي، بس لو ركزت على ذوق الشخص والمناسبة واخترت بعناية، النتيجة بتكون هدية لا تنسى والأهم من العطر نفسه؟ إنك تهديه من قلب ❤️